Sleepless in Budapest

Цудоўныя мастацкія фоткі Летувы

2009-05-26T06:52:42Z

...можна знайсьці тут

Беларускія афіцыйныя твары ў Празе

2009-05-11T18:57:50Z

Вось некалькі фотаздымкаў з Праскага Саміту Еўрапейскай Уніі па "Усходнім Партнэрстве". У аб'ектыў патрапілі Сямашка й Мартынаў.

Цісьні каб глядзець!

Сямашка выцягнуўся перад Чэскім Прэм'ерам Мірэкам Тапалянэкам. Чэскі міністар замежных справаў скептычна пасьмяхаецца.

Сямашка прамаўляе паміж Армянскім Прэзыдэнтам Саргсянам ды міністрам замежных справаў Малдовы Стратанам

Мартынаў зь Сямашкам у кампаніі такіх жа ізгояў - прадстаўнікі Малдовы

Маркетынг лорда Бэла

2008-11-26T12:59:27Z

Аўтарытэтнае выданьне Financial Times надрукавала сьпецыяльны агляд па Беларусі. Хто ахвочы, можа спампаваць яго па-ангельску ў pdf-фармаце вагай 5.6 МБ вось тут.

Наконт самога агляду ўжо трапна выказаўся Алесь Лагвінец у сваім посьце. Маю ж увагу прыцягнула збольшага рэкляма з мэсыджам Go with Belarus на апошняй старонцы, што сталася сапраўдным прарывам у няўдалым PR-ы краіны.

На малюнак ніякіх нараканьняў ня маю. Нават наадварот. Асабіста на мяне, ён вельмі ўдалы. Мэсыдж таксама цудоўны й варты.

Адзінае, што выклікае маю крытыку - гэта далейшы тэкст дробнымі літарамі. Для тых, хто ня мае лупы, чытаць ніжэй:

Opportunities in

Belarus

are big.

This year, we’ve shifted more earth-moving trucks and heavy vehicles than any other European country. And from the big to the very small, we’re also home to several of Europe’s largest optics and precision lens manufacturers.

We’ve got generous tax breaks for foreign investors too and have just been awarded the accolade of 4th Best Business Reformer in the world by the World Bank.

Why not see how your business could benefit? Look to our 99.6% literacy rate, our 40,000 skilled IT graduates, our technical prowess and our passion for business to see how one small country offers such big business opportunities.

Вось мой пераклад на беларускую:

Магчымасьці на Беларусі вялікія.

У гэтым годзе мы пераўзышлі ўсё іншыя Эўрапейскія краіны па вытворчасьці самазвалаў ды цягачоў. Мы таксама маем некалькі найбуйнейшых у Эўропе вытворцаў оптыкі й дакладных лінзаў, ад найвялікшых да найменшых.

Мы таксама маем шчодрыя падатковыя зьніжкі для замежных інвэстараў і акурат толькі што атрымалі 4 месца ў рэйтынгу Лепшых Бізнэс Рэфарматараў паводле Сусьветнага Банку.

Чаму не заўважаць пэрспэктывы вашага бізнэсу? Зьвярніце ўвагу на нашую 99.6% граматнасьць, нашых 40.000 здольных выпускнікоў-праграмістаў, нашае тэхнічнае майстэрства й жарсьць да бізнэсу, каб пабачыць, як адна маленькая краіна можа запрапанаваць вялікія бізнэс магчымасьці.

Ня ведаю, як Табе, шаноўны чытачу, а мне такі спосаб прэзэнтацыі матэрыялу нагадвае не рэкляму краіны, а хутчэй рэкляму даўно мінулых дзён. Напрыклад, такую:

Такое адчуваньне, што размова ідзе пра продаж 10 мільёнаў нявольнікаў...

Што да рэклямы краінаў увогуле, то ролікі пост-савецкіх дзяржаваў, напрыклад, на Euronews зробленыя абсалютна без разуменьня менталітэту заходняга турыста, на якога тыя краіны й разьлічваюць. Казахстану, напрыклад, не спадабаўся Борат, што прыцягнуў да іх некалькі мільёнаў турыстаў. Таму яны зьнялі шаблённы ролік з прыгажосьцямі прыроды, нібы які-небудзь эўрапеец паедзе на край зямлі каб пабачыць "рэчку, неба галубое". Армяны й азэры здымаюць тую ж лабудзень. У гэтым сэнсе беларусы (хоць абяцанага роліку пакуль няма) пайшлі далей - вырашылі прадацца тым, што ў нас здаўна на ўзроўні памылковых забабонаў лічыцца перавагай краіны - аўтатрактарнае ламачча ды грашовыя праграмісты.

Што ж насамрэч цікавіць рэдкіх замежнікаў на Беларусі?

На маю сьціплую думку гэта наступнае:

·         Вельмі танны сэкс-турызм;
·         гл. №1;
·         гл. №№1-2;
·         музэй камунізму пад адкрытым небам памерам на ўсю краіну (вандроўка ў мінулае!);
·         палітычны турызм (акцыі апазыцыі, выбарчыя кампаніі, г.д.)
·         Чарнобыль
·         танныя паляваньні ў Белавескай Пушчы

Усё. За большым да нас турысты (калі не лічыць транзытных кіроўцаў) ня едуць.

Вядома, што Беларуская дзяржава ня зробіць постэр пра сэкс-турызм (хаця як сказаў бы вышэйпамянёны Борат, Why not?). Але замест той лухты, што яны напісалі, можна было пазначыць наступныя пункты, якія сапраўды зацікавяць замежных інвэстараў:

1.      Цэнтральнае месцазнаходжаньне ўва Ўсходняй Эўропе.

Беларусам варта забыцца на ўдоўбленую нам зь дзяцінства ў галовы хлюсьню (якую пераказвае нават Лукашэнка), што мы нібыта ў цэнтры Эўропы. Мы месьцімся пасярэдзіне Ўсходняй Эўропы й тут няма чаго сароміцца. Насуперач усеагульным меркаваньням, што мы "мост паміж Захадам і Ўсходам", для нас нашмат важнейшая вертыкальная ось Поўнач-Поўдзень, чым гарызантальная ось Расея-Захад. Напрыклад, Вугоршчына займае ў Цэнтральнай Эўропе такое ж цэнтральнае месца, як мы ўва Ўсходняй, што й абумовіла прыход да Будапэшту буйных інвэстараў. Беларусь жа месьціцца паміж ёмістым украінскім рынкам і маленькімі краінамі Балтыі. У такой якасьці мы б маглі стацца цэнтральным месцазнаходжаньнем разьмеркавальных кропак прадукцыі для тых рынкаў.

2.      Добрая (а па мерках Усходняй Эўропы выдатная) транспартная сетка.

Польскія дарогі завузкія, новых яны будуюць мала. Украінскія дарогі існуюць выключна на мапе й вядуць невядома куды (дакладна не да Рыму). У Балтыі не разьвітае чыгуначнае спалучэньне. Таму Беларусь зь ейным месцазнаходжаньнем і транспартнай інфраструктурай магла б стацца месцам перакрыжаваньняў усіх шляхоў Усходняй Эўропы.

3.      Непрапарцыйна вялікая колькасьць людзей з тэхнічнай адукацыяй.

Тыя мільёны асобаў, што зараз працуюць на беларускіх гігантах прамысловасьці, могуць стацца якаснымі нізкакваліфікаванымі (і адпаведна таннымі) працоўнымі буйных карпарацыяў, што перамесьцяць да нас уласную вытворчасьць.

А пакуль мы будзем заахвочваць інвэстараў нашымі трактарамі й МАЗамі, так і будзем лічыць інвэстыцыі на пальцах адной рукі.

Наўздагон мінуламу запісу

2008-11-06T14:23:50Z

http://abcdefgh.livejournal.com/1106232.html

Obamania

2008-11-05T19:44:54Z

Маім сябрам-рэспубліканцам па духу прысьвячае аўтар:)

На фоне агульнага псыхозу й разгулу мульцікультуралізму, калі левакі па ўсім сьвеце ўздымаюць сваю задурманеную галаву, я ня змог утрымацца ад перадруку найлепшых карыкатураў на Барака Хусэйнавіча Абаму.

Найбольшыя насьмешкі з Абамы зьвязаныя зь ягонай манэрай прамоваў, што болей пасуе пастару пратэстанцкае царквы, а не палітыку, якому давядзецца кіраваць сваёй краінай і ўсім сьветам.

Найбольшыя насьмешкі з Абамы зьвязаныя зь ягонай манэрай прамоваў, што болей пасуе пастару пратэстанцкае царквы, а не палітыку, якому давядзецца кіраваць сваёй краінай і ўсім сьветам.

Вось некалькі цытатаў па-ангельску:

"... a light will shine through that window, a beam of light will come down upon you, you will experience an epiphany ... and you will suddenly realize that you must go to the polls and vote for Obama"

Barack Obama, Lebanon, New Hampshire. January 7, 2008.

“This guy was president before I was . . . This guy was God before I was.”

Barack Obama - in reference to Morgan Freeman’s portrayal in “Deep Impact and "Bruce Almighty"

“This is bigger than Kennedy. . . . This is the New Testament.” . . .”I felt this thrill going up my leg. I mean, I don’t have that too often. No, seriously. It’s a dramatic event."

Chris Matthews

“Obama’s finest speeches do not excite. They do not inform. They don’t even really inspire. They elevate. . . . He is not the Word made flesh, but the triumph of word over flesh . . . Obama is, at his best, able to call us back to our highest selves.” Ezra Klein

“I would characterize the Senate race as being a race where Obama was, let’s say, blessed and highly favored. That’s not routine. There’s something else going on. I think that Obama, his election to the Senate, was divinely ordered. . . . I know that that was God’s plan.”

Bill Rush

“What Barack Obama has accomplished is the single most extraordinary event that has occurred in the 232 years of the nation’s political history. … The event itself is so extraordinary that another chapter could be added to the Bible to chronicle its significance.”

Rev. Jesse Jackson Jr.

У сваім непрыкрытым папулізме Абама далёка заходзіць ў лявацтве.

Амэрыканская сярэдняя кляса, на чыіх плячох збудаваная Амэрыка, будзе абадраная як ліпка на карысьць усім галадранцам і маргіналам, якія шчодра атрымаюць новыя выплаты й дадатковую матывацыю, што працаваць зусім не абавязкова.

Выбарцы Абамы схільныя прымаць рашэньні не галавой, а сэрцам.

А вось, дарэчы, і самі выбарцы

[Калі Вы не былі ў Амэрыцы, Вы ня маеце права абвінавачваць аўтара ў расізме!]

Масавыя мітінгі з усеагульнай гістэрыяй прыпамінаюць нешта даволі вядомае

Тым, хто цікавіцца ня толькі малюнкамі, а яшчэ й літарамі, раю чытаць тут

Ну й, нарэшце, мая любімая:)

P.S. New opening: Lee Harvey Oswald wanted

P.P.S. Паспрабуйце напісаць у праграме Word словы "Barack" і "Obama", як Microsoft Word іх падкрэсьліць і парадзіць адпаведна "Barrack" і "Osama":)

Жаданьне народу - закон!

2008-10-31T09:33:26Z

Размова ў вёсцы Жодзішкі:

Карэспандэнт: “Пані Альдона, а што вы думаеце пра Беларусь? Яна будзе некалі нармальнай краінай? Багатай, дэмакратычнай?”

Пані Альдона: “Хто яе знае. Калі будзе вайна, дык тады можа і быць. А ня будзе вайны, так і будзем таўпціся. Альбо будзе канец сьвету. Павінна быць вайна. Такі сьвет не павінны быць. Хіба гэта сьвет? Які гэта сьвет! Будзе вайна, застануцца самыя лепшыя людзі. Застануцца людзі годныя. І сьвет той будзе не такі, які ў нас ёсьць”

Крыніца

Патрэбныя новыя шпалеры?

2008-10-30T17:01:10Z

Кандзідад

2008-09-28T16:38:05Z

Стэнаграма размовы пацаноў напаўпрыстойнага выгляду у краме "Вестэр" (Сухарава, 102 выбарчая акруга) пры позірку на выбарчы партрэт Вольгі Казулінай на дзьвярох:

[аффтарская пунктуацыя захаваная]

"О! Эта дочка Казуліна!? Нічо сібе малая!"

Усьмешка як пагроза нацыянальнай бясьпецы Польшчы

2008-08-27T19:36:47Z

Сёньня хацеў аплікануцца на польскую візу.
Усе дакумэнты былі ў парадку, але праблема падкралася з таго боку, зь якога на яе ніхто не чакаў...

Высьветлілася, што на фотаздымках ня можа быць твару з ~~хіджабам~~ усьмешкай, каб было відаць зубы! Беларуская супрацоўніца сама вінавата усьміхалася, але казала, што такія правілы ...

Ну і хто зможа патлумачыць, чым усьмешка пагражае польскай нацыянальнай бясьпецы!?

Мае любімыя беларускія кліпы

2008-06-01T21:34:33Z

На маю думку, адныя з найлепшых беларускіх кліпаў, што можна адшукаць на прасторах YouTube'у:

:BN: - Дажджамі

IQ48 - Сьвятло ў цемры

:BN: - Крылы

Zet - Калгас

Garadzkija - Як манэкен

Троіца - Тры янгалы

UltraВожык - Фабрыка Сноў

bonus track - Ой рана на Йвана барткевічавых Песьняроў

Аляхно

2008-06-01T21:06:49Z

Вядома, прадстаўнік Беларусі на Эўравізыі Аляхно прэзэнтаваў сябе й краіну ня лепшым чынам, але высьвятляецца, што ён можа сьпяваць і песьні, бліжэйшыя да нацыянальнага "канону", прычым па-беларуску!!

Глядзець кліп!

За рэформы!

2008-05-30T14:13:34Z

Чым больш чытаю апошнія навіны, тым болей пераконваюся ў тым, што найгалоўнейшай рэформай Новай Беларусі павіннае стацца аднаўленьне прыгону.

Смайлікі для Skype

2008-05-28T19:50:12Z

Бачу, што людзі часам ня ведаюць усіх. Каліласка!

Плюс тыя, якіх на малюнку няма:

(flag:pl) - афіцыйны сьцяг краіны, якому адпавядае скарачэньне краіны, e.g. BY, PL, LT, UA, LV

(heidy) - сымпатычная вавёрачка

(myspace) - лягатып сайту сеткавых суполак MySpace

Жахі прагрэсу

2008-05-14T09:33:05Z

Усім прыхільнікам індустрыялізацыі, атамнай энэргетыкі й ахвярам аўта-трактарнай адукацыі прысьвячаецца:

жахлівыя фоткі з рэспублікаў дзякуй Богу сканалага Савецкага Саюзу - артыкул "Салідарнасьці"

Падгледзена ў r_a_t__k_i_n_g

МульціКульціралізам

2008-04-17T20:18:46Z

Для нас, прадстаўнікоў Беларускай дыяспары ў Вугоршчыне, заўсёды была праблемай адсутнасьць нейкай "гістарычнасьці" у нашым знаходжаньні ў гэтай краіне. Але нарэшце я знайшоў, што нас лучыць! :)

КАЛЫХАНКА

2008-04-17T08:46:34Z

Знайшоў вось тут цудоўную калыханку на відэа ў выкананьні Ларысы Грыбалёвай, Тамары Лісіцкай, Ксеніі Мінчанкі й Зьмітра Вайцюшкевіча. Арыгінальная вэрсія гэтай калыханкі належыць лэмкам – народу, што жыве ўва Ўкраіне на мяжы з Польшчай. Зь іх мовы песьню пераклаў Алесь Камоцкі. Спампаваць песьню ў mp3 можна тут.

Салодкіх сноў! :)

ПАТРЭБНАЯ ВАШАЯ ДАПАМОГА !

2008-04-15T10:18:40Z

Людзі добрыя!

Ня ведаю, ці чытаеце вы беларускі інтэрнэт, але на днёх зьявілася вось такая інфармацыя:

------------------------------------------------------------------------------------------

Хлопчыку зь вялікім сэрцам патрэбна дапамога!

Паглядзеце, гэта Антон — яму трэба тэрмінова зрабіць апэрацыю па перасадцы сэрца.

Трансплянтацыю могуць зрабіць толькі ў Нямеччыне. Для гэтага трэба назьбіраць 100 тыс. эўра перадаплаты. Сама апэрацыя каштуе 250 тыс. эўра. Гэтая сума пакрывае 30‑дзённае мэдычнае абслугоўваньне пасьля апэрацыі. Яшчэ можа спатрэбіцца 250 тыс. эўра для імплянтацыі дапаможных прыстасаваньняў, якія могуць стаць неабходнымі для наступнай апэрацыі, то бок агулам трэба 500 тыс. эўра. Але для пачатку ўжо нестае толькі 50 тыс. У Гомелі ўжо назьбіралі 45 тыс. эўра.

Летась у лістападзе ў Менску яму зрабілі апэрацыю для спыненьня росту сэрца, якая каштавала бацькам 20 тыс. эўра. Яна мусіла падоўжыць жыцьцё хлопца на некалькі гадоў, за якія бацькі спадзяваліся назьбіраць патрэбную суму. Але надоечы ягоны стан пагоршаў. Дактары кажуць, што яму засталося колькі месяцаў. Часу катастрафічна нестае! Трэба дзейнічаць гуртам. Адным бацькам ня даць рады!

Бацькі Антона зьвярталіся ў прэзыдэнцкую дабрачынную арганізацыю і атрымалі адмову: сказалі, няма сродкаў. У Гомельскі чырвоны крыж — таксама адмовілі. Адным словам, як даходзіць да грошай… Зьбіраюся схадзіць у нашыя цэрквы ў Гомелі, плякат зрабіць зь вялікімі фатаграфіямі, як на сайце, і разьмясьціць ля брамаў цэркваў. Я думаю, зьбяром, для першага ўнёску ўжо 50 тыс. эўра толькі нестае.

Тут галоўнае, каб чалавек, які хоча, каб хлопец жыў, ня проста выдаткаваў грошы, а яшчэ паведаміў сваім сябром, сваяком і знаёмцам. І патлумачыў, што гэта сапраўднае гора простай сям’і. А дзяржава пакінула іх сам‑на‑сам з горам. Таму мы, простыя людзі, мусім разам ім дапамагчы.

Хлопцу не патрэбная спагада, яму патрэбныя канкрэтныя дзеяньні. Неабходна, каб кожны, хто ведае пра гэтае няшчасьце, спытаў сябе: «Хто, калі ня я?» І вырашыў для сябе, што ён асабіста можа зрабіць, да каго можна зьвярнуцца, як можна дапамагчы гэтай сям’і?

Калі ласка, перашліце гэты ліст каму толькі мага!!!

Міла Берташ +375 29 626 04 99

Кантактны тэлефон бацькоў Антона — (029) 625-08-07.

Паштовая скрынка: new_heart [сьлімак] tut.by

***

Рахункі адкрыты ў філіяле №305 ААТ «АСБ Беларусбанк»

у г. Гомель, МФО151501663, УНП400048193
‑ у бел. рублях: транзітны рахунак № 3819382102987 на асабовы /рахунак 000000004.
‑ у замежнай валюце: транзітны рахунак № 3819382106417 (для ўсіх валют);
на дабрачынны рахунак у эўра № 9780000000003;
на дабрачынны рахунак у далярах ЗША № 8400000000031;
на дабрачынны рахунак у расейскіх рублях № 6430000000005.
Прызначэньне плацяжу «На Дабрасельскага Алега Валяр’янавіча для лячэньня Дабрасельскага Антона»

Пераводы з-за мяжы:

WebMoney: EUR: E163951133927; USD: Z256089753693

Рахунак у Швайцарыі

Плацёж у USD:

Correspondent bank:

AEIBUS33

AMERICAN EXPRESS BANK LTD. NEW YORK

Beneficiary bank:

SWIFT: AKBBBY2X

Chips UID: 319438

JSSB BELARUSBANK

32 MYASNIKOVA STREET

MINSK 220050, BELARUS

Beneficiary:

3819382106417

Дабрасельскі Алег Валяр’янавіч

Acc 8400000000031 at branch 305 Gomel

Плацёж у EUR:

Correspondent bank:

Deutsche Bank , Frankfurt am Main:

Correspondent bank:

DEUTDEFF

Deutsche Bank, FF

Beneficiary bank:

AKBBBY2X

JSSB BELARUSBANK

32 MYASNIKOVA STREET

MINSK 220050, BELARUS

Beneficiary:

3819382106417

Дабрасельскі Алег Валяр’янавіч

Acc 8400000000031 at branch 305 Gomel

------------------------------------------------------------------------------------------------

Напэўна ж Вы асабіста, вашыя сябры, родныя й знаёмыя маглі б даслаць пэўныя грошы...

JAK PIĆ PA-BIEŁARUSKU / ЯК ПІЦЬ ПА-БЕЛАРУСКУ

2008-04-08T20:46:50Z

Я шмат сутыкаўся з пытаньнем, што гавораць беларусы адзін адному пад час піцьця. Калі, прыпадала, выпіваў у міжнароднай кампаніі, дзе ўсе пачыналі хваліцца сваімі тостамі, я казаў, што па-беларуску кажуць "На здароўе". Тады мае субутэльнікі моўчкі махалі рукой - а, маўляў, як у маскалёў. Бо для замежніка "На здароўе" ды "На здоровье" - адзін хрэн... Таму мяне заўсёды непакоіла гэтае істотнае пытаньне - што аўтэнтычна-адметнага казалі нашыя продкі.

І нарэшце я знайшоў адказ!

Прыводжу цытату з заснаванай на мэмуарнай літаратуры кнігі Адама Мальдзіса "Як жылі нашы продкі ў XVIII стагодзі" (Менск: "Лімарыус", 2001):

"У XVIII стагодзі шляхта выпрацавала багаты застольны рытуал. Тосты ішлі ў строга акрэсленай чарговасці, апісанай у Кітовіча. "Спачатку гаспадар, з'еўшы кавалак мяса, наліваў у маленькі кілішак віна і піў ім "здароўе" ўсіх, хто сядзеў за сталом, - пачынаючы ад самых паважаных і канчаючы астатнімі. Называючы кожную значную асобу, прытыкаў да вуснаў і адымаў кілішак. Скончыўшы ж са знакамітымі, астатніх застольнікаў называў аднаго за другім па прозвішчу або агульным: "Васпана здароўе"; калі каго ня ведаў, скіроўваў на яго позірк, не прытыкаў да губ кілішка, толькі трымаў яго ў руцэ; назваўшы ж апошняга, лыкнуў крыху або да дна піў, калі яму падабалася, і ставіў свой кілішак" (Кітовіч, 438-439). Калі гаспадар піў чыё "здароўе", той браў кілішак і адказваў тым жа... Калі прыносілі гарачую страву, гаспадар браў вялікі келіх, напаўняў яго, стоячы піў "здароўе" самага знакамітага госця і перадаваў яму посуд. Той прымаў "здароўе" і адказваў сваім тостам... На "штэмпель" (каб прыпячатаць дружбу), "адыходнае", "страмяное" і "аглаблёвае" прыносілі дарагое віно" (арфаграфія арыгіналу захаваная).

Такім чынам, прыстасоўваючы спрадвечныя традыцыі да сёньняшніх абставінаў, варта падкрэсьліць галоўнае:

· Выраз "На здароўе" ёсьць маскалізмам і мусіць быць заганьбены:) Дарэчы, наконт палякаў, хоць зараз таксама ўжываюць гэткую ж форму, ёсьць зьвесткі, што раней яны казалі так сама, як і мы.

· Адзіным прымальным перакладам "Cheers!" на беларускую мову можа лічыцца:

"ЗДАРОЎЕ ... (імя асобы, за якую ўздымаюць келіх у родным склоне)!"

(альбо імя, азначэньне асобы ці зварот могуць ісьці напачатку)

· Прыкладамі тостаў акрамя вышэйпазначанага "Васпана здароўе" могуць быць наступныя:

Здароўе Яна!

Здароўе Яніны!

Здароўе панны!

Здароўе (вас)пана!

Здароўе пана дырэктара!

ЗДАРОЎЕ ВАШАМОСЬЦЯЎ!

NA PRAVOCH REKLAMY

2008-04-02T12:02:04Z

Шаноўнае панства!

Ня ў мэтах самарэклямы, а выключна дзеля прапаганды беларушчыны (прывет Севярынцу!) хачу прапанаваць Вашэцям прэзэнтацыю, што я зрабіў на выступленьне беларускай каманды на Міжнародным Фэсьце ў Будапэшце. Справа ў тым, што анідзе на YouTube я не знайшоў прыстойнай прэзэнтацыі нашае краіны, каб была без зухаватага змагарства ды ўсім ~~абрыдла~~й ~~твары~~ абрыдлага твару. Таму, як кажуць, хочаш зрабіць добра - зрабі уласнаруч.

Прэзэнтацыя ўяўляе сабою відэаролік працягласьцю 3:32, створаны на падставе фотаздымкаў (даруй мне, copyright'це) Беларусі пад акампанэмэнт мэлёдыі "Там за халмом" Старога Ольсы.

Каліласка, карыстайцеся ды распаўсюджвайце!

MUSULMANSKAJA TALERANCYJA

2008-03-31T17:00:20Z

Рэкамэндую ўсім паглядзець вядомы фільм пра іслам ува ўсёй ягоная сапраўднай сутнасьці. Толькі навукова-сьцерджаныя факты, паданыя заходнімі й арабскімі навукоўцамі. Глядзець фільм тут! Асабліва раджу апошні ролік (Islam: What the West Needs to Know) - па-ангельску з французкімі субтытуламі.

Прыемнага прагляду!

P.S. Мануіл II Палеалог: "Show me just what Mohammed brought that was new, and there you will find things only evil and inhuman"

BIEŁARUŚ - 1912!

2008-02-27T21:14:57Z

Выпадкова наблукаў на каляровыя фотаздымкі Беларусі 1912 году. Што мяне асабліва зьдзівіла, дык гэта выгляд тагачасных вуліцаў і ўвогуле забудовы. За амаль 100 гадоў становішча перамянілася толькі на горшае. Каліласка, спраўдзьце самастойна тут. А поўная калекцыя здымкаў Расейскай імпэрыі вось тутака.

NiedaNacyja

2008-02-23T21:22:42Z

Прысутнічаў сёньня на спатканьні ўкраінцаў Вугоршчыны. Шыкоўная заля ў гістарычным будынку ў самым сэрцы старога гораду. Выступы музыкаў і прэзэнтацыі малюнкаў. Дзеткі ў нацыянальных вышыванках і паважныя пані ў сьвяточных убраньнях. Багаты фуршэтавы стол, усьмешкі на тварах, прадстаўнікі амбасады, пачуцьцё еднасьці, новыя знаёмствы, жарты, віно, вымена візытоўкамі, добры настрой.

На адваротным шляху, калі выказваў падзяку маім украінскім сябрам за запрашэньне, раптам мяне запыталі, калі будзе падобная беларуская сустрэча... Я, вядома, стаў апраўдвацца, маўляў, нас тут у Будапэшце толькі некалькі чалавек.

Але мне стала крыўдна, бо такая сустрэча немагчымая, нават калі б яе нехта арганізаваў. Альбо амбасада можа зладзіць рэцэпцыю а-ля БССР, альбо нашыя оппы зьбяруцца, каб абсмактаць ідэю, як усё дрэнна й як нас душаць.

Але ніколі мы не зьбярэмся разам у адной залі, проста таму, што ўсе мы ёсьць адно цэлае, прадстаўнікі адзінага народу, проста дзеля таго, каб атрымаць нейкія пазытыўныя эмоцыі ад быцьця разам.

А так хочацца...

A TY PRAJŠOŬ TEST NA BIEŁARUSKAŚĆ?

2008-02-21T19:05:16Z

Напэўна, панове ўжо чулі пра Тэст на Беларускасьць. Здавалася б, лёгкая справа, але раджу вашэцям выпрабаваць сябе. Тэст трэба прайсьці вось тутака.

Hladzieć USIM!:)

2007-12-01T18:56:26Z

Каб паглядзець відэа пра веды амэрыканскай бляндынкі пра Эўропу агулам і пра Вугоршчыну ў прыватнасьці, каліласка націсьніце тут!

VUHORCY JAK JANY JOŚĆ

2007-11-18T16:44:32Z

Я ўжо даволі шмат жыву ў Вугоршчыне (Hungary), таму вырашыў выказаць свае першыя ўражаньні пра гэты народ і краіну. Безумоўна, нехта скажа, што нельга так абагульняць, але ўсё ж такі лічу, што да пэўнай ступені гэта магчыма.

(1).
Пачну з кухні. Я не кажу пра тыя стравы, што прапаноўваюць у дарагіх рэстаўрацыях (бо такая кухня паўсюль аднолькава добрая), але пра тое, што ядуць штодня. Я, канешне, не асаблівы прыхільнік і беларускай народнай кухні, але вугорская не выклікае ў мяне жадных сантыментаў. Ува ўсе стравы яны кладуць цыбулю, прычым не шкадуючы! Напрыклад, не зьдзіўляўцеся, калі ў сваім салаце Вы заўважыце кавалкі гэтай ледзьве пакрышанай гародніны... А аднойчы бачыў на ўласныя вочы канапку наступнага выгляду: белы хлеб, масла, пасыпаны чырвоны перац і колы цыбулі... Таксама яны маюць нейкую паскудную страву, якая ёсьць кавалачкамі абваранага цеста. На першы погляд можа нагадаць бульбу, але калі Вам ужо прынесьлі замоўленае... Адзінае апраўданьне вугорцам - гэта іхны Такайі.

(2).
Даказаць тое, што вугорцы (фіна-вугры) ёсьць прадстаўнікамі Ўсходняй цывілізацыі (як і іх крэўныя - расейцы), вельмі лёгка. Я не рабіў сьпецыяльнага дасьледваньня, але й так відавочна, наколькі папулярна ў краіне сярод мужчынаў насіць бараду. І не толькі ў старых (што ува Ўсходняй Эўропе заўсёды лічылася праявай узросту й, адпаведна, мудрасьці), а асабліва ў маладых! Дзеля аб'ектыўнасьці пагаджуся, што бароды зараз распаўсюдзіліся сярод моладзі па ўсёй Эўропе, але нідзе Вы ня знойдзіце іх ў гэтакай наяўнасьці.

(3).
У працяг "усходнясьці" вугорцаў трэба адзначыць іх буйны нораў, што яскрава нагадаў пра сябе пад час дэманстрацыяў у мінулым і ў гэтым годзе. Гэта вам, спадарства, не Эўрапейскі Марш у Менску! Вугорскія маладзёны закідваюць паліцыю бутэлькамі з "кактэйлям Молатава", перакульваюць аўта, ганяюць паліцыю бітамі... Зразумела, што праварадыкалы апошнім часам актывізаваліся шмат дзе ў Заходняй Эўропе, але такую агрэсыю да ўласных суайчыньнікаў (няхай і апранутых у паліцэйскую форму) трэба яшчэ пашукаць.

(4).
У Вугоршчыне не забаронена піць на вуліцы! Што заўгодна. Напрыклад, Вы можаце цалкам законна піць з бутэлькі гарэлку ў мэтро. Хаця адзначу, што калі на вуліцы й пьюць, то зазвычай пад вечар і віно. Піцьця піва на лавах у парку Вы не пабачыце.

(5).
Не зьдзіўлюся, калі Вугоршчына зойме першае месца ў сьвеце па колькасьці пацалункаў на душу насельніцтва. Цалуюцца ўсе, пачынаючы ад зусім пяшчотнага ўзросту й як мінімум да 40 гадоў. Асабліва ў мэтро. Вельмі дзіўна, калі хлопец зь дзяўчынай едуць эскалатарам і ані разу не пацалуюцца ўзасос. Альбо проста каратаюць час такім чынам пад час паездкі ў мэтро.

(6).
Нягледзячы на іхную звычку мілавацца паўсюль і заўсёды, у камэрцыйным пляне гэтая іх рыса не распаўсюдзілася. Заходзячы нават у дарагую краму ў гандлёвым цэнтры Вы не пачуеце па вугорску выразу "Can I help you?" Калі быў у Амэрыцы, думаў, что лепей бы гандляры ніколі так не пыталі, бо адразу няўтульна сябе адчуваеш: нібы зайшоў толькі паглядзець, а на цябе адразу накідваюцца. Але! Паверце, калі цябе ніхто не заўважае, уражаньне яшчэ горшае. Так і хочацца крыкнуць, каб зьвярнулі ўвагу.

(7).
Беларусы ганарацца сваімі МАЗамі. Ня лепшы бус, вядома, але затое наш (хоць і скралі макеты Neoplan'а). Вугорцы ганарацца сваімі Ікарусамі (з націскам на першы склад). Але нашы МАЗы новыя, а вугорскія Ікарусы састарэлі нават маральна. Іх намагаюцца замяняць новымі, але пакуль новых бусаў амаль не відаць. Памятаю, у першы мой дзень у Будапэшце заходжу ў бус у дзьверы каля кіроўцы, стаўлю квіток у кампостэр і, разбэшчаны усялякімі эўропамі, чакаю, пакуль ён аўтаматычна прасячэцца. Ну-ну... Так я й чакаў, пакуль ажно кіроўца ня выйшаў ды не прасек мой квіток мэханічна:)

(8).
Ну й нарэшце пра вугорскую свабоду. Тут яна суцэльная! Бяздомных, што сьпяць у мэтро, плойма! Самае сьмешнае, калі некаторыя кампаніі наймаюць гэтых бедакоў, каб раздавалі ўлёткі. Гэта пэўна нейкі вугорскі маркэтынгавы ход, але сэнс яго мне незразумелы, бо людзі не выказваюць асаблівага энтузіязму браць нешта ад гэтых нямытых і сьмярдзючых "дыстрыбутараў".

Не зьдзіўляйцеся, што ў маіх назіраньнях так шмат негатыву, бо ж ведаеце законы чалавечага ўспрыяцьця - добрае ня так кідаецца ў вочы й захоўваецца ў памяці, як дрэннае. Абяцаю дзяліцца сваімі новымі й больш пазытыўнымі ўражаньнямі.